فرمان الہی
نماز کے اوقات
بالی ووڈ اداکار اور فلم دوھرندر میں معروف کردار کرنے والے رنویر سنگھ کے خلاف بنگلور (کرناٹک) کے ایک پولیس اسٹیشن میں ایف آئی آر درج کی گئی ہے، جس میں ان پر الزام عائد کیا گیا کہ انہوں نے ہندو مذہبی جذبات اور کرناٹک کے ساحلی علاقے کے چوونڈی دیوا روایات کو ٹھیس پہنچایا۔
شکایت پرشانت میتھل نامی بنگلور کے وکیل نے دائر کی ہے، جس میں کہا گیا ہے کہ رنویر سنگھ نے انٹرنیشنل فلم فیسٹیول آف ان انڈیا کی اختتامی تقریب میں گوا میں فلم کے دیوا سین کی نقل کرتے ہوئے نا صرف اس روایت کی توہین کی بلکہ چاونڈی دیوا کو خوفناک عورت کہا تھا۔
شکایت میں مزید کہا گیا کہ یہ کردار کرناٹک کے ساحلی علاقوں میں ایک مقدس دیوتا کے طور پر انتہائی احترام کا حامل ہے اور اسے اس طرح پیش کرنا مذہبی جذبات کو ٹھیس پہنچانے اور سماجی نفرت کو ہوا دینے کے مترادف ہے۔
یہ معاملہ ایڈیشنل چیف میٹروپولیٹن مجسٹریٹ کی عدالت میں ہے اور اس کی سماعت 8 اپریل کو ہوگی۔ گزشتہ ماہ بھی اسی نوعیت کی ایک شکایت درج کی جاچکی ہے، جس کے بعد رنویر سنگھ نے سوشل میڈیا پر معافی نامہ بھی جاری کیا تھا۔
