فرمان الہی
نماز کے اوقات
کراچی کے ڈی آئی جی ٹریفک پیر محمد شاہ کو عہدے سے ہٹا دیا گیا۔
اس حوالے سے نوٹیفکیشن بھی جاری کر دیا گیا ہے۔
جاری کیے گئے نوٹیفکیشن کے مطابق مظہر نواز شیخ کو ڈی آئی جی ٹریفک کراچی تعینات کر دیا گیا ہے۔
ذرائع کے مطابق پیر محمد شاہ کو گل پلازا سانحے کے بعد ٹریفک کا انتظام نہ کرنے پر ہٹایا گیا، آگ لگنے کے بعد گل پلازا اور اطراف میں ٹریفک کی روانی متاثر ہوئی تھی۔
ذرائع کا کہنا ہے کہ ٹریفک کے باعث فائر بریگیڈ کو پہنچنے میں بھی مشکلات کا سامنا کرنا پڑا تھا۔
واضح رہے کہ 17 جنوری کی رات ایم اے جناح روڈ پر واقع شاپنگ سینٹر گل پلازا میں آگ لگ گئی تھی اس سانحے میں 79 افراد جاں بحق ہوئے ہیں۔
