فرمان الہی
نماز کے اوقات
فیڈریشن آف پاکستان چیمبرز آف کامرس اینڈ انڈسٹری (ایف پی سی سی آئی) نے پاکستان میں شفافیت اور احتساب پر کرائے گئے سروے کے نتائج جاری کر دیے۔
ایف پی سی سی آئی کے مطابق سروے کا مقصد پاکستان میں شفافیت اور احتساب کا انڈیکس مرتب کرنا ہے
ملک گیر سروے میں عوام کی اکثریت یعنی 67 فیصد نے بدعنوانی کا سامنا نہ ہونے کی تصدیق کر دی۔
5 فیصد لوگوں نے کہا کہ سرکاری ملازم کو غیر قانونی طریقے سے دولت بناتے خود دیکھا۔
73 فیصد رائے دہندگان نے بتایا کہ انہیں کبھی رشوت دینے کی نوبت پیش نہیں آئی۔
تقریب سے خطاب کرتے ہوئے وفاقی وزیر احسن اقبال نے کہا کہ ایک سیاسی گروہ نے سیاسی مفاد کے لیے منفی پروپیگنڈا کیا، بے بنیاد تنقید سے خود اعتمادی کو نقصان پہنچتا ہے۔
انہوں نے کہا کہ سروے درست حقائق تک پہنچنے کے لیے کیا گیا، بدعنوانی کے خاتمے کے لیے بھر پور اقدامات کیے ہیں، سیاسی ایجنڈے کے لیے ستیاناس اور بیڑا غرق جیسے الفاظ استعمال کیے گئے، پی ٹی آئی دور میں دیے گئے ایک جھوٹے بیان سے ہوا بازی کی صنعت کو اربوں کا نقصان ہوا۔
