فرمان الہی
نماز کے اوقات
انسداد دہشت گردی عدالت (اے ٹی سی ) پشاور میں ریڈیو پاکستان حملہ کیس میں ملزمان کی تصدیق کےلیے نادرا رپورٹ پیش کردی گئی۔
اے ٹی سی جج ولی محمد خان نے 9 مئی ریڈیو پاکستان حملہ کیس کی سماعت کی، پولیس نے ملزمان سے متعلق نادرا رپورٹ پیش کی۔
رپورٹ میں بتایا گیا کہ سہیل آفریدی کی ویڈیوز اور شناختی کارڈ پروفائل تصویر ممکنہ طور پر ایک جیسی پائی گئی ہیں۔
رپورٹ میں بتایا گیا کہ کامران بنگش، تیمور سلیم جھگڑا، عامر چمکنی اور عرفان سلیم کی ویڈیوز شناختی کارڈ پروفائل تصویر کےساتھ میچ کرگئیں۔
پراسیکوشن کے مطابق 9 مئی 2023 کو مشتعل مظاہرین نے ریڈیو پاکستان پر حملہ کیا اور عمارت کو آگ لگائی، تھانہ شرقی میں 80 کے قریب ملزمان پر مقدمہ درج کیا گیا۔
مقدمے میں ایک صوبائی وزیر سمیت متعدد ارکان اسمبلی نامزد ہیں، عدالت نے مزید سماعت 14 فروری تک ملتوی کردی۔
