فرمان الہی
نماز کے اوقات
کراچی پولیس نے بہادر آباد کے گھر میں ڈکیتی کے تقریباً تمام ہی زیوارت ریکور کرلیے جبکہ امریکی ڈالرز ملزمان لے گئے۔
پولیس نے مختلف مقامات کی سی سی ٹی وی فوٹیجز حاصل کرلیں،2موٹر سائیکل سوار 4 ملزمان نے شہری کی گاڑی کا تعاقب کیا ، 3 ملزمان نے ماسک پہنا ہوا ہے۔
پولیس حکام کے مطابق تقریباً تمام زیورات ریکور کرلیے گئے ہیں ، امریکی ڈالر ملزمان لے گئے ہیں۔
پولیس حکام کے مطابق موٹرسائیکل سوار ملزمان فرار ہوتے وقت اسپیڈ بریکر کے باعث گر پڑے، جس کے باعث زیورات بھی بکھرگئے۔
پولیس حکام کے مطابق آس پاس بنگلوں کے سیکیورٹی گارڈز کو دیکھ کر ملزمان فرار ہوگئے، ملزمان کے فرار کا روٹ میپ تیار کرلیا گیا، جیو فینسنگ کی جا رہی ہے۔
ایف آئی آر کے مطابق متاثرہ شخص کا کہنا ہے کہ وہ بینک کے لاکر سے زیورات اور ایک لاکھ امریکی ڈالر نکلوا کر ڈرائیور کے ہمراہ گھر لایا۔
ایف آئی آر کے مطابق دو موٹر سائیکل پر سوار چار ملزمان تعاقب کرتے ہوئے گھر آئے۔ ایک ڈاکو گھر کے باہر موجود رہا۔ جبکہ تین اندر داخل ہوئے اور سونا و ڈالرز لوٹ کر فرار ہوگئے۔
