فرمان الہی
نماز کے اوقات
آسٹریلیا نے بھی ٹی ٹوئنٹی ورلڈکپ میں اپنی شروعات جیت کے ساتھ کرلی۔ کینگروز نے آئرلینڈ کو باآسانی 67 رنز سے ہرادیا۔
کولمبو میں کھیلے گئے میچ میں آسٹریلیا نے پہلے بیٹنگ کرتے ہوئے 6 وکٹوں پر 182 رنز بنائے۔ اسٹوئنس نے 45، جوش انگلس اور میٹ رنشا نے 37، 37 رنز کی اننگز کھیلیں۔
آئرلینڈ کی جانب سے مارک ایڈائر نے دو کھلاڑیوں کو آؤٹ کیا۔
جواب میں آئرش ٹیم 115 رنز پر ڈھیر ہوگئی۔ اوپنر پال اسٹرلنگ زخمی ہونے کے سبب دوبارہ بیٹنگ کیلئے نہیں آسکے۔
آسٹریلیا کے نیتھن ایلس اور ایڈم زیمپانے 4، 4 کھلاڑیوں کو آؤٹ کیا۔
تباہ کن بولنگ پرفارمنس پر نیتھن ایلس کو میچ کا بہترین کھلاڑی بھی قرار دیا گیا۔
ایونٹ کے میچز جیو سوپر اور ڈیجٹل ایپ مائیکو پر براہ راست نشر کیے جارہے ہیں۔
