فرمان الہی
نماز کے اوقات
اسلام آباد کی انسداد دہشت گردی عدالت نے ایمان مزاری اور ہادی علی چٹھہ کو مزید 2 مقدمات میں جوڈیشل کردیا۔
انسداد دہشت گردی عدالت کے جج ابوالحسنات محمد ذوالقرنین نے کیس پر سماعت کی۔
ایمان مزاری اور ہادی علی چٹھہ کی 2 مقدمات میں گرفتاری ڈال دی گئی۔ عدالت نے دونوں مقدمات میں ایمان مزاری اور ہادی علی چٹھہ کو جوڈیشل کردیا۔ ایمان مزاری اور ہادی علی چٹھہ ان دونوں مقدمات میں پہلے گرفتار نہیں تھے۔
اسلام آباد پریس کلب کے باہر احتجاجی دھرنا کیس میں بھی گرفتاری ڈال دی گئی ہے جبکہ اسلام آباد ہائیکورٹ کے باہر لڑائی جھگڑے کے کیس میں ایمان مزاری اور ہادی علی چٹھہ گرفتار ہیں۔
ایمان مزاری اور ہادی علی کی ضمانت کی درخواستوں پر نوٹسز جاری کردیے گئے ہیں، عدالت نے کل فریقین کو دلائل دینے کا حکم دے دیا۔
عدالت نے ایمان مزاری اور ہادی علی چٹھہ کی ضمانت کی درخواستوں پر سماعت کل تک ملتوی کر دی۔
