• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ریلوے کاٹکٹ کے بغیرسفرکرنیوالوں کے خلاف کارروائی کافیصلہ

میرا شہر
کوئٹہ
14 مارچ ، 2026
کوئٹہ (اسٹاف رپورٹر) ریلوے انتظامیہ نے ٹرینوں میں بغیر ٹکٹ سفر کرنے والے مسافروں کے بڑھتے ہوئے رجحان کے پیش نظر سخت اقدامات کا فیصلہ کیا ہے متعدد ٹرینیں بغیر ٹکٹ مسافروں کی وجہ سے مالی خسارے کا شکار ہو رہی ہیں جس کے باعث چیف کمرشل مینیجر ریلوے نے کوئٹہ سمیت تمام ڈویژنل سپرنٹنڈنٹس کو مراسلہ جاری کیا ہے جاری کردہ مراسلہ کے مطابق عیدالفطر سے قبل اور بعد بغیرٹکٹ مسافروں کے خلاف سخت کارروائی کی جائے گی ای ٹکٹ رکھنے والے مسافروں کے شناختی کارڈ سے لازمی تصدیق کی جائے گی ٹکٹیں پی ڈی اے ڈیوائس سے سکین کرنے کا عمل لازم قرار دیا گیا رعایتی اور وارنٹ ٹکٹوں کی خصوصی چیکنگ ہوگی بغیر ٹکٹ بچوں سے بھی قواعد کے مطابق کرایہ وصول کیا جائے گا ریلوے اور ریلوے پولیس کے اہلکاروں کو مجاز کلاس میں سفر کرنے کی ہدایت دی گئی برانچ لائن ٹرینوں پر بھی خصوصی چیکنگ ٹیمیں تعینات ہوں گی تمام ڈویژنز کو مہم کی رپورٹ ہیڈکوارٹر لاہور بھجوانے کی ہدایت کردی گئی ریلوے حکام کے مطابق یہ اقدامات ٹکٹ لینا لازمی بنانے اور مالی خسارے کو کم کرنے کے لیے کیے جا رہے ہیں اور مسافروں کو وقت پر اور محفوظ سفر کی سہولت فراہم کی جائے گی۔
کوئٹہ سے مزید