فرمان الہی
نماز کے اوقات
امریکا ایران مذاکرات کے پہلے مرحلے کے لیے اسلام آباد آنے والے امریکی نائب صدر جے ڈی وینس اور اگلے مرحلے کے لیے امریکی صدر ڈونلڈ ٹرمپ کی متوقع پاکستان آمد کے حوالے سے سوشل میڈیا پر میمز کا طوفان آ گیا۔
ان میمز میں پاکستانیوں نے امریکی نائب صدر جے ڈی وینس کو اپنا بنا لیا۔
آرٹیفیشل انٹیلیجنس (AI) کی تخلیقی دنیا میں جے ڈی وینس پاکستانیوں کے رنگ میں رنگ گئے جہاں انہیں کہیں بیف کڑاہی اور انڈا پراٹھا کھاتے ہوئے تو کہیں مٹکا چائے پیتے دکھایا گیا ہے۔
امریکی نائب صدر کو کہیں چپلی کباب کھاتے تو کہیں پاپڑ کے پیکٹ پر بھی دکھایا گیا ہے۔
سوشل میڈیا پر میمز میں امریکی نائب صدر کو سائیکل رکشے اور بس کی بھی سواری کرا دی گئی۔
یہی نہیں پاکستانی منچلوں کی طرح انہیں بائیک پر کرتب کا مظاہرہ کرتے بھی دکھایا گیا ہے۔
ایک اور وائرل میم میں دکھایا گیا ہے کہ امریکی نائب صدر کراچی کی سڑکوں کی ابتر حالت دیکھ کر اسے ایران کی تباہی کے مناظر سمجھ بیٹھے۔
علاوہ ازیں امریکی صدر ڈونلڈ ٹرمپ کی پاکستان آمد کے حوالے سے بھی سوشل میڈیا پر میمز بنانے کا سلسلہ جاری ہے۔
