فرمان الہی
نماز کے اوقات
برطانیہ کے ایک جوڑے کے پالتو خرگوش کو 15 سال اور 82 دن کی عمر میں گنیز ورلڈ ریکارڈز کی جانب سے دنیا کا سب سے طویل العمر خرگوش قرار دیدیا گیا۔
ہربی نامی یہ لائن ہیڈ نسل (جس خرگوش کے سر اور چہرے پر شیر کی طرح بال ہوں) کا خرگوش انگلینڈ کی سرے کاؤنٹی کے رہائشی رچرڈ اور میلیسا ڈنہم کا ہے۔
اسکی عمر کی تصدیق 10 نومبر 2025 کو کی گئی اور اب گنیز ورلڈ ریکارڈز نے باضابطہ طور پر اسے دنیا کا سب سے طویل العمر خرگوش تسلیم کر لیا ہے۔
ڈنہم خاندان کا کہنا ہے کہ انہوں نے ہربی کو اس وقت گود لیا تھا جب وہ صرف 8 ہفتے کا تھا، تاکہ وہ ان کی مادہ خرگوش فلوپسی کا ساتھی بن سکے۔
میلیسا ڈنہم نے گنیز ورلڈ ریکارڈز کو بتایا کہ فلوپسی اسے بہت پسند کرتی ہے اور وہ دونوں جلد ہی ایک دوسرے کے ساتھ مانوس ہو گئے تھے اور 10 سال تک ایک دوسرے کے لیے وقف رہے۔
انہوں نے کہا کہ ہربی جو کہ ایک بڑی پرسنالٹی کا حامل ہے اس نے اپنی متوقع عمر سے دگنی زندگی گزار لی ہے
