فرمان الہی
نماز کے اوقات
امریکا سلامتی کونسل میں آبنائے ہرمز سے متعلق نئی قرارداد کا مسودہ تیار کر رہا ہے، اس کی تیاری میں بحرین، کویت، قطر، سعودی عرب اور متحدہ عرب امارات بھی شامل ہیں۔
عرب میڈیا کے مطابق نئی قرارداد کا مقصد ایران سے آبنائے ہرمز میں حملے اور ٹول ٹیکس روکنے کا مطالبہ کرنا ہے، قرارداد میں ایران سے مطالبہ کیا جائے گا کہ وہ آبنائے ہرمز میں بارودی سرنگیں بچھانا بند کرے۔
رپورٹ کے مطابق گزشتہ ماہ بھی اسی نوعیت کی ایک قرارداد پیش کی گئی تھی، تاہم چین اور روس نے اسے ویٹو کر دیا تھا۔ اس قرارداد کا مقصد آبنائے ہرمز میں تجارتی جہاز رانی کے تحفظ کو یقینی بنانا تھا۔
اقوام متحدہ میں امریکی نمائندے نے پیر کو بتایا کہ نئی قرارداد نسبتاً محدود دائرہ کار رکھتی ہے اور اس کا بنیادی فوکس ایران کی جانب سے سمندری بارودی سرنگیں بچھانے اور ٹولز عائد کرنے کے معاملات پر ہوگا۔
انہوں نے کہا کہ مجوزہ قرارداد میں ایران سے مطالبہ کیا جائے گا کہ وہ آبنائے ہرمز میں بارودی سرنگیں بچھانا بند کرے اور پہلے سے نصب سرنگوں کے مقامات بھی ظاہر کرے۔
