فرمان الہی
نماز کے اوقات
عالمی شہرت یافتہ پاکستانی گلوکار عاطف اسلم کے کراچی میں ہونے والے کنسرٹ کے دوران ایک خاتون مداح ان کے ساتھ سیلفی لینے کے لیے اسٹیج پر چڑھ گئیں۔
عاطف اسلم کے کراچی کنسرٹ کی سوشل میڈیا پر وائرل ہونے والی ویڈیو میں دیکھا جا سکتا ہے کہ کنسرٹ کے دوران ایک خاتون مداح اچانک اسٹیج پر چڑھ کر گلوکار کے ساتھ سیلفی بنانے لگی۔
خاتون مداح کے اس اقدام پر پہلے تو عاطف اسلم نے خوش گوار انداز میں ان کے ساتھ سیلفی بنوا لی تاکہ کسی بھی قسم کی بدمزگی نہ ہو۔
گلوکار نے ایک سیلفی بنوانے کے بعد خاتون مداح کو مزاحیہ انداز میں سلام کرتے ہوئے اسٹیج سے نیچے جانے کا اشارہ بھی دیا، لیکن جب خاتون مداح اسٹیج سے نیچے نہ اتریں اور مزید سیلفیاں لینے کی کوشش کرتی رہیں تو عاطف اسلم کو اپنی پرفارمنس روکنی پڑی اور انتظامیہ نے معاملے میں مداخلت کی۔
انتظامیہ نے مداخلت کر کے خاتون مداح کو اسٹیج سے نیچے اتارا اور پھر عاطف اسلم نےاپنی پرفارمنس کا دوبارہ آغاز کیا۔
