فرمان الہی
نماز کے اوقات
ماہرین صحت نے بچ جانے والے کھانے کو پلاسٹک کے ڈبوں میں فریز کرنے سے متعلق احتیاط کا مشورہ دیا ہے۔
ہیلتھ رپورٹ کے مطابق ماہرین نے خبردار کیا ہے کہ بچ جانے والے کھانے کو پلاسٹک کے ڈبوں میں فریز کرنا صحت کےلیے نقصان دہ ہوسکتا ہے۔
صارفین کے حقوق کے ادارے کے مطابق فریزر میں کھانا محفوظ کرنے کےلیے شیشے یا اسٹیل کے برتن زیادہ محفوظ اور بہتر انتخاب ہیں۔
ماہرین کے مطابق شدید ٹھنڈا یا بار بار گرم کرنے سے پلاسٹک کمزور ہوجاتا ہے اور اس سے ننھے پلاسٹک ذرات یعنی مائیکروپلاسٹکس خارج ہوسکتے ہیں۔
ماہرین کے مطابق یہ ذرات خوراک میں شامل ہو کر انسانی جسم میں داخل ہونے کا خدشہ رکھتے ہیں۔
تحقیقات سے معلوم ہوا ہے کہ مائیکرو پلاسٹکس ماحول کے لیے نقصاندہ ہیں جبکہ ان کے انسانی صحت پر ممکنہ اثرات کے بارے میں سائنسدان ابھی مزید تحقیق کر رہے ہیں۔
یہ ذرات انسانی خون، پھیپھڑوں، نال اور ماں کے دودھ میں بھی پائے جا چکے ہیں، نینو پلاسٹکس دماغ کے حفاظتی نظام تک بھی پہنچ سکتے ہیں، جس سے مستقبل میں اعصابی بیماریوں کے خطرات ہوسکتے ہیں۔
