فرمان الہی
نماز کے اوقات
بھارتی اداکار رام چرن کی اہلیہ اپاسنا کونڈیلا 77 ہزار کروڑ روپے مالیت کی کاروباری سلطنت کی وارث ہیں۔
41 سالہ رام چرن اور 39 سالہ اہلیہ اپاسنا کی شادی کو 14 سال ہوگئے ہیں، اپاسنا بھارت کے معروف کامینینی خاندان سے تعلق رکھتی ہیں۔
وہ صحت کے شعبے سے جڑی کاروباری سلطنت کی وارث ہیں، وہ کامیاب کاروباری شخصیت کے ساتھ سماجی بہبود اور فلاحی سرگرمیوں سے وابستہ ہیں۔
ایک انٹرویو میں اپاسنا نے بتایا کہ اُن کے خاندان میں دولت اور وراثت سے متعلقہ تنازعات سے بچنے کے لیے ایک تحریری خاندانی آئین بنا ہوا ہے۔
انہوں نے مزید کہا کہ خاندان میں مردوں اور عورتوں کو حقوق کے ساتھ مواقع بھی برابر ہی دیے جاتے ہیں، ہمیں خاندانی وارثت میں مساوی حصہ ملتا ہے۔
اپاسنا نے یہ بھی کہا کہ خاندان کے تمام افراد تحریری خاندانی اصولوں پر عمل پیرا ہیں کیونکہ اس میں خاندانی اقدار شامل ہیں۔
رام چرن کی اہلیہ کو فلاحی خدمات کے اعتراف میں دادا صاحب پھالکے ایوارڈ مل چکا ہے، وہ فوربز کی’ ٹائیکون آف ٹومارو ‘کی فہرست میں بھی شامل رہی ہیں۔
