فرمان الہی
نماز کے اوقات
بحر الکاہل کا درجۂ حرارت بڑھنے سے ال نینو فعال ہو گیا، سپارکو نے ال نینو الرٹ جاری کر دیا۔
سپارکو کا کہنا ہے کہ یہ موسمی رحجان پاکستان کے موسم کو متاثر کر سکتا ہے، بحر الکاہل کے وسطی اور مشرقی حصوں میں درجۂ حرارت معمول سے زیادہ ہے۔
سپارکو کے مطابق پاکستان میں رواں سال کے مون سون اور سردیوں میں موسمی پیٹرن متاثر ہونے کا امکان ہے۔
جنوب مشرقی ایشیا، آسٹریلیا، بھارت اور افریقا کے کچھ حصوں میں خشک سالی کا خدشہ ہے، جنوبی امریکا اور مشرقی افریقا کے کچھ علاقوں میں زیادہ بارشیں متوقع ہیں۔
سپارکو کی جانب سے مزید کہا گیا ہے کہ پاکستان میں کمزور مون سون بارشیں ہو سکتی ہیں، یہاں سردیوں میں نسبتاً زیادہ درجۂ حرارت رہ سکتا ہے، بہار اور گرمیوں میں ہیٹ ویوز کے امکانات میں اضافہ ہو سکتا ہے، ال نینو کے اثرات زرعی شعبے اور آبی وسائل کو متاثر کر سکتے ہیں۔
