فرمان الہی
نماز کے اوقات
امریکی ریاست فلوریڈا کے پام بیچ انٹرنیشنل ایئر پورٹ کا نام باضابطہ طور پر تبدیل کر کے ’ڈونلڈ جے ٹرمپ انٹرنیشنل ایئر پورٹ‘ رکھ دیا گیا۔
بین الاقوامی میڈیا کی رپورٹ کے مطابق فلوریڈا کے گورنر رون ڈی سینٹس نے ایئر پورٹ کا نام تبدیل کرنے کے بل پر دستخط کر دیے ہیں اور یہ تبدیلی یکم جولائی سے باضابطہ طور پر نافذ العمل ہو چکی ہے۔
رپورٹ میں بتایا گیا ہے کہ یہ ایئر پورٹ ری پبلکنز کی حامی ریاست فلوریڈا میں ریپبلکن حمایت کی ایک نشانی بنے گا۔
اس حوالے سے امریکی صدر کے بیٹے ایرک ٹرمپ نے ’فاکس نیوز‘ سے بات کرتے ہوئے کہا کہ میرا نہیں خیال کہ کوئی شخص پام بیچ ایئر پورٹ سے ڈونلڈ ٹرمپ سے زیادہ قربت رکھنے والا ہو گا۔
ایئر پورٹ کی ویب سائٹ کے مطابق فیڈرل ایوی ایشن ایڈمنسٹریشن کی 3 حرفی شناخت ’پی بی آئی‘ بھی 18 اگست کو تبدیل ہو کر ’ڈی جے ٹی‘ ہو جائے گی۔
