فرمان الہی
نماز کے اوقات
برطانیہ میں پولیس سے بچنے کے لیے فریج میں چھپنے والے ملزم کو گرفتار کر لیا گیا۔
غیر ملکی میڈیا کے مطابق 33 سالہ ملزم ڈین فورڈ پر خاتون نے 6 ماہ تک ذہنی اور جسمانی تشدد کرنے کا الزام عائد کیا تھا۔
پولیس نے خاتون کی شکایت پر گھر پر چھاپا مارا تو ملزم فریج میں چھپ گیا تاہم اسے گرفتار کر لیا گیا۔
دسمبر 2025ء میں کی گئی ملزم کی گرفتاری کی ویڈیو حال ہی میں ریلیز کی گئی ہے۔
برطانوی پولیس کے مطابق ملزم گرفتاری کے وقت نشے کی حالت میں بھی تھا۔
کینٹ پولیس کے مطابق ملزم خاتون کے سوشل میڈیا اکاؤنٹس کو اپنے کنٹرول میں رکھتا تھا اور خاتون کو دوستوں اور اہلِ خانہ سے رابطہ منقطع کرنے پر مجبور کرتا تھا۔
ملزم نے خاتون کے پیسے جوئے، منشیات اور شراب نوشی میں خرچ کر دیے تھے۔
عدالت نے گزشتہ ماہ ملزم کو 3 سال قید کی سزا سنائی جس کے بعد اسے جیل منتقل کر دیا گیا۔
