فرمان الہی
نماز کے اوقات
جدہ(شاہد نعیم) سعودی فرمانروا شاہ سلمان بن عبدالعزیز نے مملکت کی شاہی وزارتی کابینہ میں کئی رد و بدل کرنے اور نئی وزارتی تقرریوں کے احکامات جاری کیے ہیں۔ وزیرِ توانائی شہزادہ عبدالعزیز بن سلمان صنعت و معدنی وسائل کی وزارت کے بھی سربراہ ہوں گے، وہ بندر الخریف کی جگہ لیں گے جنہیں وزیرِ مملکت اور وزراء کونسل کا رکن مقرر کیا گیا تھا، اس کے علاوہ انہیں جنرل اتھارٹی فار ملٹری انڈسٹریز (جامی) کا گورنر بھی نامزد کیا گیا ہے۔ محمد بن سلیمان المطلق کو نائب وزیرِ انصاف مقرر کیا گیا ہے،شالان بن شالان جو پہلے سرکاری وکیل کے عہدے پر کام کر چکے ہیں، کو شاہی عدالت کا مشیر مقرر کیا گیا ہے، شاہ سلمان نے احسان بن عباس بن حمزہ کو جدہ گورنری کا سیکرٹری، عبداللّٰہ الدحیم کو سعودی مرکزی بینک برائے انتظامی امور کا ڈپٹی گورنر اور طلال الحمود کو سعودی مرکزی بینک برائے تکنیکی امور کا ڈپٹی گورنر مقرر کیا۔
