اسلامی نظریاتی کونسل نےخیبر پختون خوا اسمبلی کا گھریلو تشدد بل مسترد کر دیا ہے، اسلامی نظریاتی کونسل کے مطابق یہ گھریلو تشدد کا بل خلاف شریعت ہے۔
اسلامی نظریاتی کونسل کے اعلامیے کے مطابق صوبائی گورنر کی جانب سے بھیجے گئے گھریلو تشدد بل کے ریفرنس کو تفصیلی غور کے بعد خلاف شریعت ہونے کے باعث مسترد کیا گیا ہے۔
اعلامیے کے مطابق اسلامی نظریاتی کونسل نے ابتدائی جواب 28 مارچ کو ہی بھجوا دیا تھا جبکہ دلائل اور حوالہ جات کے ساتھ تفصیلی فیصلہ 18 اگست کو بھجوایا گیا ہے۔
اسلامی نظریاتی کونسل کے مطابق کسی ریفرنس میں غور و خوص کیلئے ورکنگ پیپر تیار کیا جاتا ہے، تمام اراکین کی رائے جمع کی جاتی ہے، تفصیلی غور اور تمام اراکین کی توثیق کے بعد ہی فیصلہ جاری کیا جاتا ہے۔