سگریٹ پیکٹ پر تصویری وارننگ کاحجم بڑھانے کا فیصلہ

وفاقی حکومت نے سگریٹ پیکٹ پر تصویری وارننگ کے حجم میں اضافے کا فیصلہ کرلیا۔ اضافہ 2 مرحلوں میں کیا جائے گا۔

وفاقی کابینہ نے سگریٹ کے پیکٹس پر تصویری وارننگ کے حجم میں اضافے کی منظوری دیدی۔

ذرائع وزارت صحت کا کہنا ہے کہ پہلے مرحلے میں وارننگ 40 سے بڑھا کر 50 فیصد اور دوسرے مرحلے میں 50 سے بڑھا کر 60 فیصد کی جائے گی۔

تصویری وارننگ کے حجم کے پہلے مرحلے پر عملدرآمد کا آغاز جون 2018 اور دوسرے مرحلے پر عملدرآمد کا آغاز جون 2019 سے ہوگا۔

سگریٹ پیکٹ پر موجودہ تصویری وارننگ کا حجم 40 فیصد ہے۔