اگر امام سے دل صاف نہ ہوتو اس کے پیچھے نماز پڑھ سکتے ہیں؟

13 اپریل ، 2018

آپ کے مسائل اور اُن کا حل

سوال :۔ ہمارے گھر کے پاس ایک مسجد ہے،مسجد کا امام ایک نوجوان لڑکا ہے،ایک دوسری زیر تعمیر مسجد اور مدرسے کے لیے اس نے مجھ سے چندہ لیا۔جب رسید مانگی تو وہ جذباتی ہوگیا۔مجھے دو تین دفعہ جھڑک دیا۔میری عمر ستر برس ہے ،اب میرا دل اس نوجوان امام کے پیچھے نماز پڑھنے کو نہیں کرتا۔مسئلہ یہ ہے کہ دوسری مسجد میرے گھر سے کافی دور ہے۔مجھے چلنے میں کافی دشواری ہوتی ہے۔ایسی صورت میں مجھے کیا کرناچاہیے؟جب کہ رمضان المبارک کی آمد آمدہے،اورمجھے تراویح بھی پڑھنی ہے؟(حاجی آصف،کوٹری،جامشورو)

جواب:۔ ناحق بات پر طیش میں آنے اورآپ کی بزرگی کاخیال نہ کرنے کی وجہ سے امام نے سخت غلطی کی۔ آپ اسے معاف کرکے فضیلت حاصل کرسکتے ہیں ، ورنہ کم از کم اپنے آپ کوجماعت اورتراویح کی فضیلت سے محروم نہ رکھیں ۔بالفرض اس کے لیے دل صاف نہ ہو،پھر بھی اس کے پیچھے نماز وتراویح درست ہے۔

اپنے دینی اور شرعی مسائل کے حل کے لیے ای میل کریں۔

masail@janggroup.com.pk

تازہ ترین