آپ آف لائن ہیں
جمعہ 10؍محرم الحرام 1440ھ 21؍ستمبر2018ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
 مُبارک رات

گہرؔ اعظمی

پڑھو قرآں یہ اللہ نے کہا ہے

مبارک شب میں جو نازل ہُوا ہے

سُنو! پُرنُور ہے‘ اجمل ہے یہ شب

مہینوں سے ہزار افضل ہے یہ شب

فرشتوں میں ہے اس کا بول بالا

اسی شب میں بحکمِ ربِّ اعلیٰ

اُترتے ہیں زمیں پرکچھ فرشتے

رفاقت میں وہ سب رُوح القدس کے

ہے اُن کی ذات اطہر اور منوّر

بصد اعزاز امرِ خیر لے کر

ہمہ تن دیکھ کر محوِ عبادت

خُدا کے نیک بندوں کی ریاضت

مسرّت سے‘ عقیدت سے‘ ادب سے

دُعائے مغفرت کرتے ہیں رب سے

ہے سرتا سر سلام و خیر و طیّب

طلوعِ فجر تک رہتی ہے یہ شب

’’ مُبارک رات‘‘ ہے انعام رب کا

دُعا ہے شب ہو یہ مقدور سب کا

Chatاپنی رائے سے آگاہ کریں