فرمان الہی
نماز کے اوقات
بالی ووڈ کی دلکش اداکارہ ریکھا نے 20 سال بعد آئیفا ایوارڈزمیں ’سلام عشق اور’پیارکیا تو ڈرنا کیا‘ گانے پررقص کرکے محفل لوٹ لی۔
بھارتی میڈیا رپورٹس کے مطابق 19 ویں آئیفا ایوارڈز 2018 کا میلہ بینکاک میں سجا جہاں بالی ووڈ ستاروں نے شرکت کرکے ایوارڈز کی تقریب کو چار چاند لگادیئے۔
تقریب کا مزہ تب دوبالا ہوا جب بالی ووڈ اداکارہ ریکھا نے 1978 میں ریلیز ہونے والی اپنی فلم ’مقدر کا سکندر‘ کے مشہورگانے ’سلام عشق‘ پر ایک بار پھر رقص کیا جو دیکھنے سے تعلق رکھتا تھا۔
ریکھا جیسے ہی اسٹیج پر آئیں تو وہاں موجود تقریب کے شرکا نے شور مچانا شروع کردیا جب کہ اداکارہ کی جانب سے 20 سال بعد ایسی پرفارمنس سے سب خوب محظوظ ہوئے۔
ریکھا کی جانب سے 1960 میں ریلیزہونے والی فلم ’مغل اعظم‘ فلم کے مشہورومعروف گانے ’پیارکیا تو ڈرنا کیا‘ پر بھی عمدہ رقص کیا گیا۔
ایوارڈز کی تقریب میں ارجن کپور، ورون دھون، آیوشمان کھرانا، کریتی سنن اورشردھا کپورنے بھی اپنی پرفارمسز سے دیکھنے والوں کو خوب محظوظ کیا۔
