پشاور(نمائندہ جنگ) قومی انڈر20 ہاکی چیمپئن شپ لالہ ایوب ہاکی اسٹیڈیم پشاور میں شروع ہوگئی۔ پاکستان ہاکی فیڈریشن کے سینئر نائب صدر و چیئر مین صوبائی ہاکی ایسوسی ایشن سعید خان نے افتتاح کیا۔ افتتاحی میچ میں خیبرپختونخوا وائٹ نے گلگت بلتستان کو 10 گول سے ہرایا ۔ زاہد نے تین گول اسکور کیے۔ افراز اور خیر اللہ نے دو دو جبکہ سعید، ذاکر اور حیات الرحمن نے ایک ایک بار گیند کو جال کی راہ دکھائی۔ دوسرا میچ فاٹا اور اسلام آبادکے درمیان کھیلاگیا جس میں اسلام آباد نے فاٹا کو تین ایک سے شکست دی اسلام آباد کی طرف سے رحیم اور شرجیل نے گو ل کئے۔ سنگل لیگ کی بنیاد پر کھیلی جانے والی چیمپئن شپ میں دو ٹیمیں فائنل رائونڈ کیلئے کوالیفائی کریں گی ۔
فرمان الہی
نماز کے اوقات
