فرمان الہی
نماز کے اوقات
کراچی کے دارالصحت اسپتال میں غلط انجکشن سے جاں بحق ہونے والی نشوا کے والد نے گلستان جوہرمیں دھرنا دے دیا۔
نشوا کے والد قیصرعلی نے میڈیا سے گفتگو کرتے ہوئے کہا کہ اُن کا احتجاج کسی ایک اسپتال کے خلاف نہیں ہے۔
قیصر علی نے کہا کہ غیر رجسٹرڈ اسپتالوں کے خلاف کمیشن بننا چاہیے۔
انہوں نےکہا کہ دارالصحت اسپتال کو سرکاری کنٹرول میں دینے کا مطالبہ کیا تھا، لیکن کوئی مطالبہ پورا نہیں ہوا۔
نشوا کے والد نے کہا کہ وزیراعلیٰ سندھ مراد علی شاہ نے بھی کیاہوا وعدہ نہیں نبھایا۔
دوسری طرف مشیر اطلاعات مرتضی وہاب نے کہا کہ سندھ حکومت نے اپناکردار ادا کیاہے۔
مرتضی وہاب نے کہا کہ اگر بچی کے والدین کسی پر غفلت کا کیس بنانا چاہتے ہیں تو پولیس کو اس معاملے میں داد رسی کرنی چاہیے۔
