راولپنڈی (سٹاف رپورٹر)حساس ادارے کے افسرکے گھرمیں گھسنے والے 4ڈاکو معذرت کرکے واپس چلے گئے۔تھانہ مورگاہ کو لیفٹیننٹ کرنل لیاقت علی سکنہ ڈی ایچ اے فیزون نے بتایاکہ ڈیوٹی پر تھا، مجھے گھر سے فون آیاکہ ہمارے گھر میں ڈاکوآئے تھے ، میں گھر پہنچاتومیرے بیٹے محمد علی اورعبدالرافع نے بتایاکہ دروازہ پر گھنٹی بجی میرے بیٹے محمد علی نے دروازہ کھولاتو4 نامعلوم مسلح ملزمان زبردستی گھر میں داخل ہوگئے جنہوں نے اسلحہ کی نوک پر میری فیملی کواکٹھاکیااور کمروں کی تلاشی لی جب انکو معلوم ہواکہ یہ گھر آرمی آفیسر کاہے تو انہوں نے فورا ًاپنے ساتھیوں کو واپس بلوالیا اور میری فیملی سے معذرت کرتے ہوئے واپس چلے گئے ۔انہوں نے میرے بیٹے کا بٹوا بھی واپس کر دیامیرا کوئی نقصان نہیں ہوا۔ ملزمان کارنمبرایل ای ایچ -4471میں آئے تھے۔
فرمان الہی
نماز کے اوقات
