آپ آف لائن ہیں
جنگ ای پیپر
منگل25؍جمادی الاوّل 1441ھ 21؍جنوری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ڈیرہ اسماعیل خان: نان بائیوں کی ہڑتال، تندور ٹھنڈے ہو گئے

گیس، آٹا اور ایندھن مہنگا ہونے پر ڈیرہ اسماعیل خان میں نان بائیوں کی ہڑتال دوسرے دن بھی جاری ہے۔

شہر میں نان بائیوں کی ہڑتال کے دوسرے دن بھی درجنوں تندور احتجاجاً بند ہیں۔

ڈی آئی خان کی انتظامیہ اور نان بائی ایسوسی ایشن میں مذاکرات ناکام ہو گئے۔

نان بائیوں کا کہنا ہے کہ انتظامیہ نے 70 گرام روٹی کی قیمت 5 روپے طے کی ہے جس پر روٹی فروخت کرنا ممکن نہیں ہے۔

انہوں نے مزید کہا ہے کہ 150 گرام روٹی کی قیمت 10 روپے طے کی جائے، گیس، ایندھن اور آٹا مہنگا ہونے کے بعد پرانے سرکاری نرخ پر روٹی نہیں بیچ سکتے۔

دوسری طرف آٹا ڈیلرز کا کہنا ہے کہ 2 دن کے دوران آٹے کی قیمت میں اچانک اضافہ ہوا ہے، جبکہ تندوروں کی ہڑتال کے باعث سخت پریشانی کا سامنا ہے۔

تجارتی خبریں سے مزید