آپ آف لائن ہیں
ہفتہ یکم صفرالمظفر 1442ھ19؍ستمبر2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

کوئٹہ میں کانگو کا مریض چل بسا

کوئٹہ کے فاطمہ جناح اسپتال میں قائم کانگو وارڈ میں داخل کانگو وائرس کا مریض انتقال کر گیا۔

فاطمہ جناح اسپتال کوئٹہ کے کانگو وارڈ میں جاں بحق ہونے والے 19 سالہ کانگو کے مریض عبدالباسط کو گزشتہ دنوں کوئٹہ کے نواحی علاقے بکرا پیڑی سے علاج کی غرض سے لایا گیا تھا، اس کی حالت تشویش ناک تھی۔

فاطمہ جناح اسپتال کی انتظامیہ کے مطابق رواں برس کانگو کے مرض کے شبہے میں 33 مریضوں کو فاطمہ جناح اسپتال لایا گیا تھا جن میں سے 13 میں مرض کی تصدیق ہوئی تھی اور وہ صحت یاب ہو گئے تھے۔

اسپتال انتظامیہ کا مزید کہنا ہے کہ رواں برس کانگو سے انتقال کرنے والے افراد کی تعداد 3 ہو گئی ہے، جبکہ اسپتال میں کانگو وائرس کے شبہے میں ایک اور خاتون زیرِ علاج ہے۔

اسپتال انتظامیہ کا یہ بھی کہنا ہے کہ بظاہر اس خاتون میں کانگو کے اثرات نظر نہیں آتے لیکن اس کے باوجود مرض کی تشخیص کے لیے خاتون کے خون کے نمونے ٹیسٹ کے لیے بھجوا دیئے گئے ہیں۔

صحت سے مزید