• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

رحیم یارخان، اے ٹی ایم چور دوران حراست ہلاک

تازہ ترین
قومی خبریں
01 ستمبر ، 2019

اے ٹی ایم چور کی سی سی ٹی وی فوٹیج


رحیم یارخان میں اے ٹی ایم مشین توڑنے اور منہ چڑانے والا ملزم طبیعت خراب ہونے کی وجہ سے اسپتال میں دم توڑ گیا۔

پولیس کےمطابق ملزم صلاح الدین حوالات میں عجیب حرکتیں کر رہا تھا اس دوران ملزم کی اچانک طبیعت خراب ہونے پر اسے اسپتال منتقل کیا گیا لیکن دوران علاج وہ دم توڑ گیا۔

رحیم یارخان ،اے ٹی ایم چور دوران حراست ہلاک

لاش کو پوسٹمارٹم کےبعد شیخ اسپتال کے مردہ خانہ منتقل کر دیا گیا ہے، رپورٹ آنے کے بعد موت کی اصل وجہ معلوم ہوسکے گی۔

ڈی ڈی پی او عمر سلامت نے دوران حراست ملزم کی ہلاکت کی تحقیقات کا حکم دیدیا ہے۔

واضح رہے کہ ملزم کو دو روز قبل شاہی روڈ پرواقع بینک کے ’اے ٹی ایم‘ سےمشین توڑنے کی کوشش کے دوران گرفتار کیا گیا تھا، ملزم نے 4 روز پہلے فیصل آبادمیں بھی اسی نوعیت کی واردات کی تھی جس کی سی سی ٹی وی سوشل میڈیا پر وائرل ہوئی تھی۔

تازہ ترین