پاک افغان طور خم بارڈر 24 گھنٹے کھلا رکھنے کے ساتھ دو طرفہ تجارت کے لیے کسٹم کلیئرنگ کی بھی دن رات سروس فراہم کی جائے گی۔
پشاور کسٹم حکام کے مطابق انتظامیہ نے پاک افغان بارڈر پر دو طرفہ تجارت 24 گھنٹے آپریشنل کرنے کے احکامات کے ساتھ کسٹم کلیئرنگ سروس بھی دن رات شروع کرنے کی ہدایت کی ہے۔
جاری بیان میں کہا گیا ہے کہ وزیرِ اعظم عمران خان چند روز میں دو طرفہ تجارت کے لیے بارڈر 24 گھنٹے کھلا رکھنے کا باقاعدہ افتتاح کریں گے۔
کسٹم کلکٹر اپریزمنٹ پشاور احسان علی شاہ کا اس حوالے سے کہنا ہے کہ اس اقدام سے دونوں ممالک کے درمیان تجارت کو فروغ اور عوام کو روزگار کے مواقع ملیں گے۔