آپ آف لائن ہیں
جنگ ای پیپر
اتوار20؍ صفرالمظفر 1441ھ 20؍اکتوبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

وزیراعظم عمران خان 7 روزہ دورے پر امریکا روانہ

وزیراعظم عمران خان دو روزہ دورہ مکمل کرکے آج صبح سویرے سعودی عرب سے امریکا روانہ ہوگئے، وہ آج شام پاکستانی وقت کےمطابق سوا سات بجے نیویارک پہنچیں گے۔

وزیراعظم عمران خان 7 روزہ دورے پر امریکا روانہ


عمران خان پرنس محمد بن عبدالعزیز انٹرنیشنل ایئرپورٹ مدینہ منورہ سے سعودی ایئرلائن کی چارٹرڈ پرواز سے امریکا روانہ ہوئے۔ سعودی اعلیٰ حکام، سفیر پاکستان راجہ علی اعجاز اور سفارتی عملے نے وزیراعظم کو الوداع کہا۔

وزیراعظم 7روزہ دورے میں 27 ستمبر کو اقوام متحدہ کی جنرل اسمبلی سے خطاب کریں گے، جس میں وہ مقبوضہ کشمیر میں جاری انسانی حقوق کی خلاف ورزیوں کا ذکر کریں گے۔

وزیراعظم عمران خان کی امریکی صدر ٹرمپ سے بھی ملاقات ہوگی۔ اس ملاقات میں بھی مسئلہ کشمیر اور خطے کی صورت حال پر بات چیت کی جائے گی۔

دورہ امریکا کےدوران وزیراعظم عمران خان مختلف ممالک کے سربراہان سے بھی ملاقاتیں کریں گے۔ ماحولیاتی تبدیلی، پائیدار ترقی سے متعلق اجلاسوں میں بھی وزیراعظم شریک ہوں گے۔

وزیراعظم ماحولیاتی تحفظ اور غربت میں کمی سے متعلق سیمینار اور نفرت انگیز تقاریر کے خاتمے سے متعلق مباحثے سے بھی خطاب کریں گے۔

امریکا روانگی سے پہلے وزیراعظم نے مسجد نبوی ﷺ میں حاضری دی۔

وزیراعظم عمران خان نے گزشتہ روز عمرے کی سعادت حا صل کی تھی۔ مکہ مکرمہ میں ان کے لئے خانہ کعبہ کا دروازہ خصوصی طور پر کھولا گیا تھا۔

قومی خبریں سے مزید