آپ آف لائن ہیں
جنگ ای پیپر
اتوار10؍ ربیع الثانی 1441ھ 8؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

شاعر و ادیب رئیس امروہوی کی 31ویں برسی

شاعر و ادیب رئیس امروہوی کی 31 ویں برسی


معروف شاعر و ادیب رئیس امروہوی کی 31 ویں برسی آج منائی جا رہی ہے۔

اردو کے نامور شاعر اور ادیب رئیس امروہوی کی31 ویں برسی آج منائی جا رہی ہے، رئیس امروہوی کا اصل نام سید محمد مہدی تھا اور وہ 12 ستمبر 1914 کو امروہہ میں پیدا ہوئے تھے۔

صحافتی شاعری یا قطعہ نگاری کو ادبی صنف کے طور پر منوانے والے رئیس امروہوی حیرت انگیز تخلیقی ذہن کے مالک تھے۔

قیام پاکستان کے بعد اُنہوں نے کراچی میں سکونت اختیار کی اور روزنامہ جنگ کراچی سے بطور قطعہ نگار اور کالم نگار وابستہ ہوگئے، اس ادارے سے اُن کی یہ وابستگی تا عمر جاری رہی۔

رئیس امروہوی کے شعری مجموعوں میں الف، پس غبار، حکایت نے، لالہ صحرا، ملبوس بہار، آثار اور قطعات کے سات مجموعے شامل ہیں جبکہ نفسیات اور مابعدالطبیعات کے موضوعات پر اُن کی نثری تصانیف کی تعداد ایک درجن سے زائد ہے۔

رئیس امروہوی کے بھائی سید محمد تقی اور جون ایلیا بھی اردو ادب کی معروف شخصیات میں شامل ہیں۔

وہ 22 ستمبر 1988 کو ایک نامعلوم قاتل کی گولیوں کا نشانہ بن گئے اور کراچی میں سخی حسن کے قبرستان میں آسودہ خاک ہوئے۔

انٹرٹینمنٹ سے مزید