لاہور، پولیس کے مبینہ تشدد سے نوجوان ہلاک

لاہورکے علاقے نواب ٹاؤن میں پولیس کے مبینہ تشدد سے نوجوان ہلاک ہو گیا، ورثاء نے لاش سڑک پر رکھ کر پولیس کے خلاف شدید احتجاج کیا ۔

یہ بھی پڑھیے: ڈیڑھ ماہ میں پنجاب پولیس کی زیر ِحراست 7 ملزمان ہلاک

لاہور میں نواب ٹاون کے علاقے میں پولیس کےمبینہ تشدد سے ہلاک ہونے والے نوجوان کے لواحقین اور اہل علاقہ نے ایوب چوک میں لاش رکھ کر پولیس کے خلاف احتجاج کیا، لواحقین کا کہنا تھا کہ پولیس چھاپے کے دوران 18 سالہ نوجوان سر پر پتھر لگنے سے ہلاک ہوا۔

لاہور: پولیس اسٹیشن میں مبینہ تشدد سے خاتون جاں بحق

لاہور کے علاقہ شاہدرہ میں پولیس کے مبینہ تشدد سے...

دوسری جانب لاہور پولیس کے مطابق جوئے کی اطلاع پر ایک جھگی پر چھاپہ مارا گیا تو شہباز عرف کالا بھاگ کھڑا ہوا، سڑک پر گرنے اور سر پر چوٹ لگنے سے اس کی موت واقع ہوگئی جبکہ شہباز کے بھائی نے الزام لگایا ہے کہ اس کا بھائی پولیس کے چھاپے کے دوران تشدد سے ہلاک ہوا ہے۔