جاپان کی تاریخ کا خطرناک ترین طوفان ٹوکیو سےٹکراگیا

جاپان کی تاریخ  کا خطرناک  ترین سمندری طوفان ’ہاجی بس‘ ٹوکیو سے ٹکرا گیا ہے۔

میڈیا رپورٹس کے مطابق جاپان کی تاریخ کا خطرناک ترین سمندری طوفان     ’ ہاجی بس‘ ٹوکیو سے ٹکرا گیا، سمندری طوفان کی آمد سے  پہلے  مختلف علاقوں میں تیز ہواؤں کے ساتھ بارشیں ہوئیں جس کے باعث ایک شخص ہلاک جبکہ متعدد زخمی ہوگئے۔

حکام کا کہنا ہےکہ طوفان کےباعث 4 کروڑ افراد کے متاثر ہونے کاخدشہ ہے جبکہ  16 لاکھ افراد کو فوری گھر چھوڑنے کی ہدایت کی گئی ہے۔

سمندری طوفان کے باعث ٹوکیو میں ریلوے نظام اور16سو پروازوں کو منسوخ کردیا گیا ہے۔

حکام کے مطابق ہاجی بس نامی طوفان کے دوران چوبیس گھنٹے میں 40 انچ تک بارش ہوسکتی ہے اور ساحل پربیالیس فٹ بلند لہریں اٹھنے کا امکان ہے ۔

امریکا، سمندری طوفان ’ڈوریان‘ سے بہاماس میں تباہی، مکانات ڈوب گئے ،مواصلاتی نظام درہم برہم

واشنگٹن (جنگ نیوز) امریکا میں سمندری طوفان ڈورین نے...

طوفان کی شدت کے باعث محکمہ موسمیات نے ریڈ الرٹ جاری کرتے ہوئے شہریوں کوحد سے زیادہ احتیاطی تدابیر اختیار کرنےکی ہدایت کی ہے۔