آپ آف لائن ہیں
جنگ ای پیپر
پیر 20؍ربیع الاوّل 1441ھ 18؍نومبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

انصار الاسلام کو کالعدم قرار دینے کا فیصلہ

مولانا فضل الرحمٰن باوردی محافظ دستے سے سلامی لیتے ہوئے


حکومت نے جمعیت علمائے اسلام ف کی ذیلی تنظیم انصار الاسلام کو کالعدم قرار دینے کا فیصلہ کر لیا ہے۔

ذرائع کے مطابق وزارتِ داخلہ نے جمعیت علمائے اسلام ف کی ذیلی تنظیم انصار الاسلام کو کالعدم قرار دینے کے لیے سمری وزارتِ قانون اور الیکشن کمیشن کو ارسال کر دی ہے۔

وزارتِ قانون اور الیکشن کمیشن کو بھیجی گئی سمری میں کہا گیا ہے کہ جے یو آئی ف کی ذیلی تنظیم انصار الاسلام لٹھ بردار ہے، قانون اس کی اجازت نہیں دیتا۔

وزارت داخلہ کی جانب سے ارسال کی گئی سمری میں یہ بھی کہا گیا ہے کہ قانون میں کسی بھی قسم کی مسلح ملیشیا کی اجازت نہیں ہے۔

ذرائع نے یہ بھی بتایا ہے کہ جے یو آئی ف میں شامل تنظیم انصار الاسلام پارٹی منشور کی شق نمبر 26 کے تحت الیکشن کمیشن آف پاکستان میں رجسٹرڈ ہے۔

واضح رہے کہ کچھ روز قبل ایک ویڈیو وائرل ہوئی تھی جس میں سربراہ جمعیت علمائے اسلام ف مولانا فضل الرحمٰن باوردی محافظ دستے سے سلامی لیتے دکھائی دے رہے ہیں۔

یہ بھی پڑھیئے: فضل الرحمٰن سے ملاقات پر شہباز کی نواز کو بریفنگ

ادھر خیبر پختون خوا کی حکومت مذکورہ ویڈیو وائرل ہونے پر جے یو آئی ف کے محافظ دستے کے خلاف کارروائی کا اعلان کر چکی ہے۔

قومی خبریں سے مزید