آپ آف لائن ہیں
منگل20؍ذی الحج 1441ھ 11؍اگست 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

گوتم گمبھیر کی پاکستانی بچی کے علاج کیلئے ویزا حصول میں مدد

گوتم گمبھیر کی پاکستانی بچی کے علاج کیلئے ویزا حصول میں مدد
گوتم گمبھیر نے بھارتی وزیرخارجہ سے پاکستانی بچی اور والدین کیلئے ویزا کی درخواست کی تھی۔

بھارت کے سابق ٹیسٹ کرکٹر اور بی جے پی کے رکن پارلیمنٹ گوتم گمبھیر نے دل کے عارضے میں مبتلا 6 سالہ پاکستانی بچی عمیمہ علی اور اُس کے والدین کے لیے بھارتی ویزے کے حصول میں مدد کی ہے۔

بھارتی اخبار کے مطابق گوتم گمبھیر نے بھارتی وزیرِخارجہ سبرامنیم جے شنکر کو لکھے گئے ایک خط میں درخواست کی تھی کہ پاکستان میں موجود ایک لڑکی کے والدین اُسے دل کے آپریشن کے لیے بھارت لانا چاہتے ہیں۔

گوتم گمبھیر نے بھارتی خبر رساں ادارے کو بتایا کہ ’’میں نے وزیر برائے امورخارجہ سے درخواست کی تھی، میں شکرگزاز ہوں کہ انہوں نے اسے قبول کیا اور ویزا دے دیا۔

سابق بھارتی کرکٹر نے وزیراعظم اور وزیرداخلہ کا بھی شکریہ ادا کیا اور امید ظاہر کی کہ یہاں اُس کا اچھا علاج کیا جائے گا۔

گوتم گمبھیر کی پاکستانی بچی کے علاج کیلئے ویزا حصول میں مدد
گمبھیر کے نام بھارتی وزیرخارجہ کے خط کا عکس

گوتم گمبھیر کے خط پر کارروائی کرتے ہوئے ایس جے شنکر نے اسلام آباد میں بھارتی ہائی کمیشن سے کہا کہ بچی اور اس کے والدین کو ویزا جاری کیا جائے تاکہ وہ بھارت کا سفر کرسکیں۔

سابق بھارتی کرکٹر نے بھارتی وزیرخارجہ کی جانب سے اُن کو لکھے گئے خط کا عکس بھی شیئر کیا ہے جس میں آگاہ کیا گیا ہے کہ بچی اور اُس کے والدین کو اسلام آباد میں ویزے جاری کردیئے گئے ہیں۔

قومی خبریں سے مزید