آپ آف لائن ہیں
منگل 15؍ذیقعد 1441ھ 7؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

شاہد آفریدی کا مہنگائی پر عوام کو صبر کا مشورہ

شاہد آفریدی کا مہنگائی پر عوام کو صبر کا مشورہ


قومی کرکٹ ٹیم کے سابق کپتان اور مایہ ناز آل راونڈر شاہد خان آفریدی نے بھی مہنگائی پر عوام کو صبر کرنے کا مشورہ دے دیا ہے۔

ملتان میں میڈیا سے گفتگو میں شاہد آفریدی نے کہا ہے کہ مہنگائی کے حوالے سے عوام کو تھوڑا صبر کرنا چاہیے اور حکومت کو وقت دینا چاہیے۔

سرفراز احمد کو کپتانی سے ہٹائے جانے پر تبصرہ کرتے ہوئے سابق کپتان نے کہا کہ انہوں نے اچھی کپتانی کی، پاکستانی کرکٹ ٹیم کو بہتر طریقے سے چلایا۔

ان کا کہنا تھا کہ فلاحی کاموں کے لیے پورے پنجاب میں 10 دن کا سفر ہے، دورے کا مقصد لڑکیوں کی تعلیم کے حوالے سے کوشش کرنا ہے۔

شاہد آفریدی نے مزید کہا کہ عوام سے تعاون کی اپیل کرتے ہیں، کروڑوں بچے اسکولوں سے باہر ہیں، خاص طور پر بچیاں اسکول نہیں جاسکتیں۔

انہوں نے یہ بھی کہا کہ معاشرہ بیٹیوں اور خواتین سے چلتا ہے، انہیں اسکول لانا ہے، تعلیم دلوانی ہے۔

اس سے قبل تحریک انصاف کے سینئر رہنما جہانگیر ترین مہنگائی کے معاملے پر عوام کو صبر کا مشورہ دے چکے ہیں۔

کھیلوں کی خبریں سے مزید