آپ آف لائن ہیں
ہفتہ14؍شوال المکرم 1441ھ6؍جون 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

مسافروں کو ہوٹل نما کمرہ فراہم کرنے والی ائیر لائن

مسافروں کو ہوٹل نما کمرہ فراہم کرنے والی ائیر لائن


دنیا کی معروف اور بہترین ائیر لائنز صارفین کو آرام دہ اور پُر سکون سفر مہیا کرنے کے لیے جدید سے جدید تر سہولیات مہیا کرنے لیے ہمیشہ کوشاں رہتی ہیں۔

’سنگاپور ائیر لائنز‘ جس کا شمار دنیا کی بہترین ائیر لائنز میں کیا جاتا ہے، یہ ائیرلائن صارفین کے سفر کو آرام دہ بنانے کے لیے ’50 اسکوائر فٹ کیبن‘ کی پیشکش کرتی ہے۔

دنیا کی اس بہترین ائیر لائن کے ’50 اسکوائر فٹ کیبن‘ میں سفر سے لطف اندوز ہونے کے لیے صارفین کو ایک طرفہ ٹکٹ کے لیے ساڑھے 6 ہزار ڈالرز تک کی قیمت ادا کرنی ہوگی جو کہ سننے میں کافی زیادہ لگ رہی ہے مگر اس کیبن کی خصوصیات سننے کے بعد بہت سے صارفین اس میں سفر کرنے کی خواہش ضرور رکھیں گے۔

معروف سیاحتی ماہر جین ارناس نے حال ہی میں سنگاپور ائیر لائن کے ’50 اسکوائر فٹ کیبن‘ میں سفر کیا اور انہوں نے اس پرتعیش سفر کی ایک ویڈیو جاری کی جسے دیکھ کر سب دنگ رہ گئے۔

ان کا کہنا تھا کہ اس 50 اسکوائر فٹ کیبن میں اپنے کپڑے رکھنے کے لیے ’وارڈروب اسپیس‘ اتنی ہے کہ اس کے اندر کوئی بھی انسان آسانی سے آجائے۔

یاد رہے کہ سنگاپور ائیرلائنز کو 2019 میں دنیا کی فرسٹ کلاس ائیر لائن کے ایوارڈ سے بھی نوازا گیا تھا۔

دلچسپ و عجیب سے مزید