آپ آف لائن ہیں
جنگ ای پیپر
منگل12؍ربیع الثانی 1441ھ 10؍ دسمبر 2019ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

بابری مسجد سے متعلق فیصلہ ناقابل قبول‘واپس لیا جائے‘مولانا عبدالصمد

کوئٹہ(پ ر)سابق صوبائی وزیر مولانا عبدالصمد اخوندزادہ نے کہا ہے کہ بھارتی عدالت کے بابری مسجد سے متعلق فیصلے سے دنیا بھر کے مسلمانوں کی دل آزاری ہوئی ،یہ فیصلہ ہمارے لئے ناقابل قبول ہے جسے مسترد کرتے ہیں ،بھارت مسلمانوں کے جذبات کو ٹھیس نہ پہنچائے اور اس فیصلے کو واپس لے ۔انہوں نے کہا کہ بحیثیت مسلمان ہم سب کی ذمہ داری ہے کہ ہم سب مساجد اور مسلمانوں کے مقدس مقامات کے تحفظ کے لیے آواز بلند کریں اور اپنے تمام باہمی اختلافات کو بالائے طاق رکھتے ہوئے ایک پلیٹ فارم پر جمع ہوکر اسلام کی سربلندی کے لئے کردار ادا کریں ۔انہوں نے کہا کہ مسلمان ایک پرامن قوم ہیں اور اسلام ہمیں امن اوآشتی کا درس دیتا ہے،مسلمانوں کا دہشت گردی سے کوئی تعلق نہیں ۔بھارت نے ایک طرف کشمیر ی مسلمانوں پر زندگی تنگ کردی تو دوسری جانب بابری مسجد کی جگہ مندر بنانا چاہتاہے ،عالمی برادری فوری طور پر اس کا نوٹس لے ۔ 

کوئٹہ سے مزید