لاہور: زمین کے تنازع پر فائرنگ، لڑکی قتل

لاہور میں ڈیفنس کے نواحی گاؤں میں زمین کے تنازع پر ایک گروپ نے فائرنگ کر کے ایک لڑکی کو قتل اور 2 خواتین سمیت 4 افراد کو زخمی کر دیا۔

لاہور: زمین کے تنازع پر فائرنگ، خاتون جاں بحق

لاہور کے علاقے مناواں میں زمین کے تنازع پر فائرنگ...

پولیس کے مطابق تھانہ ڈیفنس سی کے علاقے برکی روڈ پر نور بخش چالار گاؤں میں زمین کے تنازع پر ایک گروپ کے ارشد کمبوہ اور اس کے ساتھیوں نے مخالف گروپ کے رفیق مسیح کے گھر پر دھاوا بول دی۔

فائرنگ کے نتیجے میں 18 سالہ لڑکی سونیا موقع پر جاں بحق ہو گئی جبکہ دیگر 4 افراد شدید زخمی ہوگئے جن میں آسیہ، شہناز، نذیر مسیح اور رفیق مسیح شامل ہیں۔

یہ بھی پڑھیئے: لاہور، دیرینہ دشمنی پر فائرنگ، 5 افراد جاں بحق

زخمیوں کو اسپتال منتقل کر دیا گیا ہے جہاں ان کو طبی امداد دی جا رہی ہے۔

پولیس کے مطابق مقتولہ کی لاش پوسٹ مارٹم کے لیے ڈیڈ ہاؤس منتقل کر کے کارروائی شروع کر دی گئی ہے۔