آپ آف لائن ہیں
منگل22؍ذیقعد 1441ھ 14؍جولائی 2020ء
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

لاہور واقعہ شہر میں مکمل انارکی کی تازہ قسط ہے، بلاول

لاہور واقعہ شہر میں مکمل انارکی کی تازہ قسط ہے، بلاول
اسپتال پر وکلاء کا حملہ پستی کی نئی حد ہے، ایسا تو جنگوں میں بھی نہیں ہوتا،بلاول بھٹو

پاکستان پیپلز پارٹی (پی پی پی) کے چیئرمین بلاول بھٹو زرداری نے لاہور انسٹیٹیوٹ آف کارڈیالوجی میں پیش آنے والے واقعے کی مذمت کرتے ہوئے کہا ہے کہ لاہور کا افسوسناک واقعہ پنجاب کے دارالحکومت میں مکمل انارکی کی تازہ قسط ہے۔

ایک بیان میں بلاول بھٹو زرداری نے کہا کہ پارلیمنٹ پر حملہ کرنے والی پارٹی برسرِ اقتدار ہے اور ہم فسطائیت دیکھ رہے ہیں۔

چیئرمین پی پی نے کہا کہ اسپتال پر وکلاء کا حملہ پستی کی نئی حد ہے، ایسا تو جنگوں میں بھی نہیں ہوتا، واقعے کی مکمل تحقیقات کی ضرورت ہے۔

اُن کا کہنا ہے کہ ہمیں اجتماعی احتساب کی بھی ضرورت ہے، یہ بھی دیکھنا ہوگا کہ عمران خان کے نئے پاکستان میں ہم بطور قوم کتنا گرگئے ہیں۔ ہم اس سے بہتر ہیں، پاکستان اس سے بہتر ہے۔

قومی خبریں سے مزید