کراچی بار کے انتخابات، پولنگ جاری

کراچی بار کے سالانہ انتخابات کے لیے سٹی کورٹ میں پولنگ جاری ہے، جو شام 5 بجے تک بغیر کسی وقفے کے جاری رہے گی۔

کراچی بار کے صدر کے لیے محمود الحسن ایڈووکیٹ، کاشف حنیف ایڈووکیٹ اور منیر احمد ملک کے درمیان مقابلہ ہے۔

’’کراچی کے ڈاکٹروں کو بھی نہیں چھوڑیں گے‘‘ وکلاء کی دھمکی

شہرِ قائد کے وکلاء کی جانب سے ڈاکٹروں کو دی جانے...

نائب صدر کی نشست پر عبدالقدیر مہر، فرید احمد، لیاقت علی سمیت 5 امیدوار میدان میں ہیں۔

جنرل سیکریٹری کی نشست پر عامر نواز وڑائچ، جی ایم کورائی سمیت 5 امیدوار مدِ مقابل ہیں۔

یہ بھی پڑھیئے: ناروے میں قرآن پاک کی بے حرمتی، کراچی بار کا بائیکاٹ

جوائنٹ سیکریٹری کی نشست پر عبدالجلیل خان مروت، فرح اعوان سمیت 3 امیدوار میدان میں ہیں۔

ممبرانِ منیجنگ کمیٹی کے لیے 36 امیدوار مدِمقابل ہیں جن میں سے 9 کا انتخاب ہوگا، پولنگ میں 7500 ووٹرز اپنا حقِ رائے دہی استعمال کر رہے ہیں۔