• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

اپنی جان مشکل میں ڈال کر 10، 12 وکیلوں کو بچایا: فیاض چوہان

تازہ ترین
قومی خبریں
14 دسمبر ، 2019

وزیرِ اطلاعات پنجاب فیاض چوہان کی لاہور میں میڈیا سے گفتگو


پنجاب کے وزیر اطلاعات فیاض الحسن چوہان کہتے ہیں کہ اپنی جان مشکل میں ڈال کر میں نے 10 سے 12 وکیلوں کو بچایا، حکومت بروقت کارروائی نہ کرتی تو 10 سے 12 جانیں ضائع ہو سکتی تھیں۔

وزیر اعظم کا فیاض چوہان کو فون، آپ نے فرض ادا کر دیا، عمران خان

لاہور(نیوز ایجنسی ) وزیر اعظم عمران خان نے کہا ہے کہ...

لاہور میں صحافیوں سے گفتگو کر تے ہوئے وزیرِ اطلاعات پنجاب فیاض چوہان نے کہا کہ نئے پاکستان میں وزیرِ اعظم کے بھانجے کے گھر پر چھاپے مارے گئے۔

انہوں نے کہا کہ وزیرِ اعظم عمران خان کے بھانجے حسان نیازی ہر صورت گرفتار ہوں گے،ان کی گرفتاری کے لیے 5 مقامات پر چھاپے مارے گئے۔

پنجاب کے وزیرِ اطلاعات فیاض الحسن چوہان نے مزید کہا کہ پی آئی سی حملہ کیس میں 54 ملزمان گرفتار ہوئے ہیں، حکومت کی کسی سے دشمنی نہیں ہے۔

یہ بھی پڑھیئے: فیاض چوہان کی شہباز شریف کو رقم دینے کی پیشکش

انہوں نے یہ بھی کہا کہ وزیرِ اعظم عمران خان کے بھانجے حسان نیازی نے اپنے ٹوئٹر اکاؤنٹ پر لکھا ہے کہ ان کا پاکستان تحریکِ انصاف (پی ٹی آئی) سے کوئی تعلق نہیں۔

تازہ ترین