فرمان الہی
نماز کے اوقات
کاؤنٹر ٹیرر ازم ڈیپارٹمنٹ (سی ٹی ڈی) اور حساس ادارے نے پنجاب کے شہر گوجرانوالہ میں کارروائی کر کے القاعدہ سےتعلق رکھنے والے 5 مبینہ دہشت گردوں کو گرفتار کر لیا۔
سی ٹی ڈی ذرائع کے مطابق گرفتار مبینہ القاعدہ دہشت گردوں سے دھماکا خیز مواد، خودکش جیکٹس اور اسلحہ برآمد ہوا ہے۔
سی ٹی ڈی کا کہنا ہے کہ حساس ادارے کئی ماہ سے ان دہشت گردوں کے متعلق معلومات جمع کر رہے تھے، یہ دہشت گرد القاعدہ کا میڈیا سیل چلا رہے تھے۔
سی ٹی ڈی کے مطابق دہشت گرد افغانستان میں القاعدہ کی مرکزی قیادت کو فنڈز بھی بھجواتے رہے، انہوں نے حال ہی میں اپنا نیٹ ورک کراچی سے گوجرانوالہ منتقل کیا تھا۔
یہ بھی پڑھیئے: ڈیرہ غازی خان سے 2 مبینہ دہشتگرد گرفتار
کاؤنٹر ٹیرر ازم ڈیپارٹمنٹ (سی ٹی ڈی) ذرائع کا مزید کہنا ہے کہ گرفتار ہونے والے دہشت گرد گوجرانوالہ میں دہشت گردی کا منصوبہ بنا رہے تھے۔
سی ٹی ڈی کا یہ بھی کہنا ہے کہ گرفتار دہشت گردوں میں عاصم اکبر، عبداللّٰہ عمیر، احمد عرف قاسم، محمد یوسف اور محمد یعقوب شامل ہیں۔
