’امریکا نے دوبارہ حملہ کیا تو جواب مزید سخت ہوگا‘، ایرانی جنرل

ایران کی مسلح افواج کے سربراہ میجر جنرل محمد باقری نے امریکا کو خبردار کرتے ہوئے کہا ہے کہ ’امریکا نے دوبارہ حملہ کیا توجواب مزید سخت ہوگا‘۔

عراق میں امریکی میزائل حملے میں جاں بحق ایرانی جنرل قاسم سلیمانی کے قتل کا انتقام لینے کے بعد ایرانی فوج کے سربراہ میجر جنرل محمد باقری کا تازہ بیان سامنے آیا ہے۔

ایرانی میڈیا کے مطابق جنرل محمد باقری نے کہا ہے کہ عراق میں امریکی فوجی اڈوں پرحملہ ایرانی فورسز کی صلاحیتوں کا بہت چھوٹا سا مظاہرہ تھا۔

ایرانی قوم دنیا کے غنڈوں کیخلاف متحد ہوگئی، آیت اللہ خامنہ ای

ایران کے سپریم لیڈر آیت اللہ خامنہ ای کا کہنا ہے...

واضح رہے کہ ایران کی جانب سے عراق میں امریکی فوجی اڈے عین الاسد ائیربیس پر راکٹ حملے کیے گئے، ایران کے دعوے کے مطابق حملے میں 80 افراد ہلاک ہوئے جبکہ امریکی ہیلی کاپٹرز اور فوجی ساز و سامان کو بھی شدید نقصان پہنچا ہے۔

ایران کا امریکی اڈے پر 80 افراد کی ہلاکت کا دعویٰ

ایران کے سرکاری میڈیا نے دعویٰ کیا ہے کہ ایران کے...

پاسداران انقلاب کا کہنا ہے کہ دشمن کے فوجی اڈے تباہ کرنے کے لیے ہائی الرٹ ہیں، کارروائی جنرل قاسم سلیمانی کے قتل کے جواب میں کی گئی۔

پینٹاگان نے عراق میں امریکی فوج کے اڈے پر حملے کی تصدیق کی اور کہا کہ ائیربیس پر راکٹ حملے ایرانی علاقے سے کیے گئے۔