مقبوضہ کشمیر، ترال میں بھارتی فوج کی فائرنگ، 2 نوجوان شہید

12 جنوری ، 2020

مقبوضہ کشمیر میں قابض بھارتی فوج کا ظلم و ستم جاری ہے جس نے آج مزید 2 کشمیری نوجوانوں کو فائرنگ کر کے شہید کر دیا۔

مقبوضہ کشمیر میں قابض بھارتی فوج نے ریاستی دہشت گردی کا پھر مظاہرہ کیا ہے، مقبوضہ وادی کے ضلع پلوامہ کے علاقے ترال میں محاصرے کے دوران فائرنگ کر کے کشمیری نوجوانوں کو شہید کیا گیا۔

علاقے میں اب بھی قابض بھارتی فوج کے اہلکار گھروں کی تلاشی لے رہے ہیں۔

دوسری جانب کل جماعتی حریت کانفرنس، حریت رہنماؤں اور کشمیری تنظیموں نے غیر ملکی سفیروں کو مودی حکومت کی نگرانی میں مقبوضہ کشمیر کا دورہ کرانے کی مذمت کر دی۔

یہ بھی پڑھیئے: بھارت، ’فری کشمیر‘ کا بینر اٹھانے پر خاتون کیخلاف مقدمہ

ان رہنماؤں کا کہنا ہے کہ دنیا کو کشمیر کی صورتِ حال سے گمراہ کرنے کے لیے یہ دورہ کرایا گیا، قابض حکومت کے ایسے اقدامات سے زمینی حقائق اور کشمیر کی متنازع حیثیت تبدیل نہیں ہوسکتی۔

غیر ملکی سفیروں کے مقبوضہ کشمیر کے دورے پر اپوزیشن جماعت کانگریس نے بھی مودی حکومت پر تنقید کی ہے۔