پاکستان نے امریکی تجارت کیلئے پرکشش ماحول پیدا کیا ہے: ایلس ویلز

امریکی معاون نائب وزیرِ خارجہ برائے جنوبی ایشیاء ایلس ویلز کا اپنے دورۂ پاکستان کے حوالے سے کہنا ہے کہ پاک امریکا دو طرفہ تعلقات بڑھانے کا مقصد مشترکہ ہے۔

انہوں نے کہا کہ پاکستان کی معاشی اصلاحات نے امریکی تجارت کے لیے پرکشش ماحول پیدا کیا ہے،پاکستان کی عالمی بینک کی آسان تجارت رینکنگ میں 28 درجے بہتری آئی ہے۔

ایلس ویلز 4 روزہ دورے پر پاکستان پہنچ گئیں

امریکا کی معاون نائب وزیر خارجہ ایلس ویلز 4 روزہ...

ایلس ویلز نےمشیرتجارت عبدالرزاق داود سے ملاقات پر تبصرہ کرتے ہوئے کہا کہ پیش رفت ہونے پر مشیرِ تجارت عبدالرزاق داؤد سے بات چیت پر خوشی ہے۔

واضح رہے کہ امریکا کی معاون نائب وزیر خارجہ ایلس ویلز 4 روزہ دورے پر 2 روز قبل پاکستان پہنچی ہیں، وہ سری لنکا اور بھارت کے دورے کے بعد اسلام آباد پہنچی ہیں۔

یہ بھی پڑھیئے: استنبول، شاہ محمود قریشی اور ایلس ویلز کی ملاقات

آج ان کے 4 روزہ دورے کا تیسرا دن ہےگزشتہ روز انہوں نے وزیرِ اعظم عمران خان کے مشیرِ تجارت عبدالرزاق داؤد سے ملاقات کی تھی۔

ایلس ویلز اپنے 4 روزہ دورے کے دوران وزیر خارجہ شاہ محمود قریشی سمیت سیاسی و عسکری حکام سے اہم ملاقاتیں کریں گی۔

ایلس ویلز کی وزیراعظم کے مشیر عبدالرزاق داؤد سے ملاقات

امریکا کی نائب معاون وزیر خارجہ ایلس ویلز نے...

ذرائع کے مطابق امریکی معاون نائب وزیر خارجہ ان ملاقاتوں میں باہمی تعلقات،خطے کے امور اور افغانستان میں مفاہمتی عمل پر بات چیت کریں گی ۔