آپ آف لائن ہیں
جنگ ای پیپر
پیر22؍ جمادی الثانی 1441ھ 17؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

اپوزیشن کا شہریار آفریدی کے غیر سنجیدہ رویے پر واک آؤٹ

اپوزیشن کا شہریار آفریدی کے غیر سنجیدہ رویے پر واک آؤٹ


اپوزیشن نے وزیر مملکت برائے انسداد منشیات شہریار آفریدی کی عدم حاضری پر سینیٹ اجلاس کا واک آؤٹ کردیا۔

مسلم لیگ (ن) کے سینئر رہنما اور سینیٹ میں قائد حزب اختلاف راجا ظفر الحق اجلاس سے شہریار آفریدی کی غیر حاضری بول پڑے۔

ان کا کہنا تھا کہ ہم وزیر مملکت شہریار آفریدی کے غیر سنجیدہ رویے پر ایوان سے واک آؤٹ کرتے ہیں۔

سینیٹ اجلاس میں وزیر مملکت برائے انسداد منشیات کی غیر حاضری پر ڈپٹی چیئرمین سینیٹ سلیم مانڈوی والا نے بھی اظہار خیال کیا۔

انہوں نے کہا کہ اگر شہریار آفریدی کو کوئی مسئلہ ہے تو انہیں ایوان کو آگاہ کرنا چاہیے تھا۔

سلیم مانڈوی والا نے مزید کہا کہ شہریار آفریدی وزیر ہیں انہیں ذمہ داری کا مظاہرہ کرنا چاہیے، وزیر کابینہ کے اجلاس میں بھی شریک نہیں تھے۔

ڈپٹی چیئرمین سینیٹ نے اس موقع پر شہریار آفریدی کی غیر حاضری سے متعلق وفاقی وزیر پارلیمانی امور اعظم سواتی سے بھی استفسار کیا۔

اعظم سواتی نے جواب دیتے ہوئے کہا کہ وزیر مملکت برائے انسداد منشیات شہریار آفریدی سے متعلق انہیں علم نہیں، وہ آج کابینہ کے اجلاس میں بھی شریک نہیں تھے۔

اعظم سواتی نے یہ بھی کہا وفاقی وزیر نے انہیں بھی اطلاع نہیں دی، اگر بتاتے تو اس بارے میں وضاحت  ضرور ہوتی۔

قومی خبریں سے مزید