آپ آف لائن ہیں
جنگ ای پیپر
منگل30؍ جمادی الثانی 1441ھ 25؍فروری 2020ء
Namaz Timing
  • بانی: میرخلیل الرحمٰن
  • گروپ چیئرمین و ایگزیکٹوایڈیٹر: میر جاوید رحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
تازہ ترین
آج کا اخبار
کالمز

ترکی کے ساتھ بھائیوں کی طرح کھڑے ہیں، آرمی چیف

ترکی کے ساتھ بھائیوں کی طرح کھڑے ہیں، آرمی چیف


راولپنڈی(ایجنسیاں) پاک فوج کے سربراہ جنرل قمر جاوید باجوہ سے ترکی کے وزیر دفاع جنرل(ر) ہلوسی اکار نے راولپنڈی جی ایچ کیو میں ملاقات کی جس میں باہمی دلچسپی ، علاقائی سلامتی اور دوطرفہ دفاعی تعاون مزید بڑھانے کے امور پر تبادلہ خیال کیاگیاجبکہ ترک وزیر دفاع نے علاقائی امن کےلئے پاکستان کی کوششوں کو سراہا۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے کہا کہ پاکستان ترکی کے ساتھ اپنے منفرد تعلقات کو قدر کی نگاہ سے دیکھتا ہے اور ہمیشہ ترک بھائیوں کے شانہ بشانہ کھڑا رہے گا۔ 

معزز مہمان شخصیت نے خطے میں تنازعات کی روک تھام اور ترکی کے ساتھ کھڑے ہونے کے لئے پاکستان کے تعاون کو سراہا اور پاکستان کے لئے بھی ایسے ہی جذبہ کا اظہار کیا۔

اہم خبریں سے مزید