فرمان الہی
نماز کے اوقات
تیزی سے پھیلتے کورونا وائرس کی روک تھام کے لیے طبی ماہرین نے قرنطینہ کا دورانیہ 14 دن سے بڑھانے پر غور شروع کر دیا ہے۔
یہ تجویز ایسے وقت سامنے آئی ہے جب قرنطینہ سے کلیئر ہونے والے افراد بھی چند دن بعد وائرس کا شکار ہوئے ہیں۔
دوسری جانب کورونا وائرس سے چین میں ہلاکتوں کا سلسلہ بھی جاری ہے، 24 گھنٹوں میں مزید 96 افراد کی ہلاکت کےبعد صرف چین میں اس وائرس سے مرنے والوں کی تعداد 2400 سے زیادہ ہو گئی ہے۔
چینی حکام کے مطابق کورونا وائرس سے 630 نئے افراد بھی متاثر ہوئے ہیں جس کے بعد چین میں متاثرہ افراد کی تعداد 77 ہزار تک پہنچ گئی ہے۔
یہ بھی پڑھیئے: چین میں کورونا وائرس سے مزید 96 افراد ہلاک
اٹلی میں بھی کورونا وائرس سے 2 افراد ہلاک ہو گئے جبکہ 79 متاثر ہوئے ہیں۔
وائرس کا پھیلاؤ روکنے کے لیے اٹلی میں تاریخی شہر میلان کے قریب 10 قصبوں میں 50 ہزار افراد کو گھروں میں رہنے کی تاکید کی گئی ہے۔
ان علاقوں میں تمام تعلیمی، ثقافتی اور مذہبی سرگرمیاں بند کر دی گئی ہیں۔
